कोरोना संक्रमणबाट बिहीबार १९० जनाको मृत्यु, ६,५४३ जना डिस्चार्ज

काठमाडौं, जेठ ६ – नेपालमा पछिल्लो २४ घण्टामा कोरोना भाइरस संक्रमणका कारण १९६ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ५ हजार ८४७ पुगेको छ ।

यस्तै आज ६ हजार ५४३ जना संक्रमित डिस्चार्ज भएका छन् । यो सँगै नेपालमा कोरोना भाइरसलाई परास्त गर्नेको संख्या ३ लाख ६६ हजार ९४६ जना पुगेको छ ।

यस्तै आज ८३०५ जना संक्रमित थपिएका छन् । बितेको २४ घण्टामा देशभर २१ हजार ६९५ जनाको आरटी–पीसीआर र ३९२ जनाको एन्टिजेन परीक्षणबाट ८,३०५ जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या ४ लाख ८८ हजार ६४५ जना पुगेको छ ।