‘क्यान इन्फोटेकमा प्रविधिलाई दैनिक जिवनमा कसरी जोड्ने थाहा हुन्छ’

सुनेना घिमिरे पाण्डे
क्यान उपाध्यक्ष
क्यान इन्फोटेक मेला प्रविधिलाई दैनिक जिवनमा कसरी जोड्न सक्छौं भन्न जानकारीको लागि यो मेला आयोजना गरिएको हो । हामी हरेक संस्थालाई स्मार्ट कसरी बनाउन सक्छौं, त्यसमा केन्द्रित छौं । संस्था मात्र होइन दैनिक घरमा प्रयोग हुने सामग्रीलाई कसरी स्मार्ट वा आफू अनुकल बनाउन सक्छौ भन्ने प्रविधि इन्फोटेकमा राखिएको हुन्छ । जस्तो शैक्षिक संस्थाको लागि आवश्यक पर्ने प्रविधि र उपकरण राखिएको हुन्छ र त्यसलाई कसरी युटीलाइजेसन गर्न सकिन्छ भन्ने पनि ज्ञान हुन्छ । ग्रमिणक्षेत्रका शैक्षिक संस्थाले पनि आफ्ना विद्यार्थीलाई प्रविधीको माध्यमबाट कसरी उत्कृष्ट शिक्षा दिन सक्छन् भन्ने विषयमा पनि मेलामा देखाइन्छ ।

नेपालको ३० प्रतिशत भन्दा धेरै जिडिपीको हिस्सा ओगटेको कृषी क्षेत्रलाई कसरी प्रविधिको प्रयोग गरी उत्पादनमा वृद्धि र सहज उत्पादन कसरी गर्न सकिन्छ भन्ने विषयमा जानकारी दिइन्छ । बाली लगाउँदा बिउ कसरी राख्ने ? कसरी रोप्ने ? लगाएको विरुवामा कुनै रोग लागेको छ कि छैन ? भन्ने जनकारी दिने मेशिनको बारेमा कृषकलाई जानकारी दिइन्छ ।

त्यसैगरी स्मार्ट होमको लागि आवश्यक पर्ने उपकरणहरु प्रदर्शनीमा हुन्छ । घरमा भइरहेको विद्युतलाई समय अनुसार कसरी प्रयोग गर्ने भन्ने विषयमा जानकारी दिइन्छ । विद्युतलाई नाइट मोडमा, डे मोडमा कसरी राख्ने भन्ने विषयमा मेलामा देखाइन्छ । मेडिकल सम्बन्धी धेरै टेक्नोलोजी राखिएको हुन्छ । प्रदर्शनीमा सहभागि हुनेले अवलोकनमात्र होइन, प्रत्यक्ष कुरा देख्न पाउने भएकाले सर्वसाधरणको लागि मेला ज्यादै उपयोगी हुन छ । प्रदर्शनी कुनैपनि कम्पनीले आफ्नो प्रोडक्टको लञ्च गर्न चाहेमा गर्न सक्ने छन् ।