खाद्यान्न पसल दिनभर खोल्न नपाइने, विहान र बेलुका मात्र खुल्ने

काठमाडौं, वैशाख १४ । निषेधाज्ञामा खाद्यान्न र तरकारी तथा फलफूल पसल दिनभर खोल्न नपाइने भएको छ । जिल्ला प्रशासन कार्यालयले सूचना निकाल्दै विहान र बेलुकाको समयमा मात्रै खाद्यान्न पसल खोल्न भनेको हो ।

जसअनुसार, खत्यावश्यकवस्तुसहितको खाद्य पसल विहान १० बजेसम्म र बेलुका ५ बजेदेखि सात बजेसम्म मात्र खोल्न पाइने छ । यद्यपी, ती पसलहरुले स्वास्थ्य सुरक्षाको मापदण्ड भने पुरा गर्नुपर्ने काठमाडौं जिल्ला प्रशासनको कार्यालयले बताएको छ ।

कार्यालयका अनुसार डिपार्टमेन्टल स्टोरको ग्रोसरी कक्ष विहान १० बजेदेखि ५ बजेसम्म मात्रै संचालन गर्न पाइनेछ । अरु कुनै पनि पसल संचालन गर्न पाइने छैन ।