‘खेल स्वास्थ्यको लागि,विधार्थी राष्ट्रका लागि’भन्ने नारासहित 7A साइड फुटबल माघ १९ बाट सुरु

मदन तिमल्सेना

माघ १५ – खेल स्वास्थ्यकोलागि विधार्थी राष्ट्रका लागि भन्ने मुल नारा सहित पृथ्वीनारायण क्याम्पसमा यहि माघ १९ गते देखि २९ गते सम्म We Are Strong फेसबुक ग्रुपले 7Aसाइड फुटबल टुर्नामेन्टको आयोजना गरेको छ ।

उक्त खेल पुरुष र महिला छुटटा छुटटै रुपमा संचालन हुने जनाइएको छ। सामाजिक संजालमा सक्रिय यो समुहले अन्नपुर्ण खेल मैदान पोखराको पृथ्वीनारायण क्याम्पसमा खेल संचालन हुने जनाएको छ । We Are Strong ग्रुपका एडमिन तथा संचालक कुमार गौतमको संयोजकत्वमा 7A साइट फुटबल हुने भएको छ ।

ग्रुपका सँचालक महेश पौडेलले खेलकुद तथा मनोरञ्जनको उद्देश्यले यो ग्रुप खोलेको र यसलाई निरन्तरता दिई सामाजिक क्षेत्रमा अगाडि बढाउने जानकारी दिनुभयो ।

उक्त खेलमा पुरुष तर्फ २० टिम र महिला तर्फ १० टिम हुने अनुमान गरिएको छ र पुरुष तर्फ पृथ्वीनारायण क्याम्पसको विधार्थी र महिला तर्फ पृथ्वीनारायण क्यामपस तथा अन्य क्याम्पसबाट पनि सहभागि हुने संचालक महेश पौडेलले बताउनुभयो। खेलमा प्रथम र दित्तिय हुने टिमलाई क्रमश नगद रु ११ हजार १ सय ११ रुपैया र ५ हजार ५ सय ५५ रुपैया साथै मेडल र प्रमाण पत्र पुरस्कार रहेको छ ।

ग्रपका सँचालक एबम एडमिन बिष्णु पोखरेलले उत्कृष्ट महिला र पुरुष फुटबलरलाई मेडल र प्रमाण पत्रले सम्मान गरिने छ । यस्लाई निरन्तरता दिने, सामाजिक र खेलकुदको क्षेत्रमा लाग्छौ । यसलाई देश ब्यापी बनाउने समेत बताउनुभएको थियोे । साथै उक्त खेलमा सम्पुर्ण बिद्यार्थी , अभिभावक , तथा खेलप्रेमी बिद्यार्थीहरुलाई निमन्त्रणा गरिएको छ।