गाजाको मुख्य शहरमा भाेकमरीपछि अराजकता र लुटपाट

काठमाडौं । इजरायली आक्रमणको सामना गरिरहेको उत्तरी गाजाको मुख्य शहरमा अराजकता र लुटपाट मच्चिएको छ ।

विगत केही हप्तादेखि, आवश्यक सहायता यस क्षेत्रमा पुग्न सकेको छैन । यहाँ बस्ने प्यालेस्टिनीहरू खानाको खोजीमा भौंतारिरहेका छन् ।

हमासद्वारा सञ्चालित गृह मन्त्रालयले गाजा शहरको बजारमा तैनाथ आफ्ना सात प्रहरी अधिकारीहरू इजरायली हवाई आक्रमणमा मारिएको बताएको छ । हमासका अनुसार, यी अधिकारीहरू कानून र व्यवस्था कायम राख्नमा संलग्न थिए ।

इजरायली सेनाले घटनाको बारेमा कुनै टिप्पणी गरेको छैन, तर विगत केही दिनमा गाजामा ‘दर्जनौं आतंकवादी लुक्ने ठाउँहरू’ मा आक्रमण गरेको बताएको छ ।

यसअघि, संयुक्त राष्ट्र संघले मध्य शहर देइर अल-बलाहमा रहेको ‘भोका मानिसहरूको भीड’ यसको गोदाममा प्रवेश गर्दा कम्तिमा दुई जनाको गोली हानी हत्या गरिएको थियो ।

इजरायलको नाकाबन्दीको बीचमा ११ हप्ता पछि राहत सामग्रीहरू घटनास्थलमा आइपुगेको थियो । गोली कसले चलायो भन्ने कुरा अझै स्पष्ट भएको छैन ।