गोल्छा अध्यक्ष हुने बाटो बन्दैछ अप्ठ्यारो,नेपाल उद्योग वाणिज्य महासंघको विधान संशोधन गर्न १९ सदस्यीय समिति गठन

काठमाडौं– नेपाल उद्योग वाणिज्य महासंघको विधान संसोधनका लागि चण्डिराज ढकालको नेतृत्वमा १९ सदस्यीय समिति गठन भएको छ । एक वर्षअघि गरिएको संशोधनका केही नियम असान्दर्भिक देखिएपछि पुनः संशोधनका लागि समिति बनाइएको हो ।

संशोधनका लागि जिल्ला र नगरका उद्योग वाणिज्य संघले लामो समयदेखि दबाब दिँदै आएका छन्।

संशोधनका प्रत्यक्ष असर भने बर्तमा वरिष्ठ उपाध्यक्ष शेखर गोल्छालाई पर्ने भएको छ । केही वर्षअघि महासंघको अध्यक्ष वरिष्ठ उपाध्यक्ष स्वतः हुने प्रावधान विधानमा राखिएको थियो । सोही नियमअनुसार वर्तमान अध्यक्ष भवानी राणाले अध्यक्ष पदमा प्रत्यक्ष निर्वाचन झेल्नु परेन ।

तर, यसपल्टको संशोधनमा यो प्रावधान उल्टिने सम्भावना छ । किनभने महासंघका अधिकांस सदस्यहरु अध्यक्ष प्रत्यक्ष निर्वाचनबाट छान्न पाउनुपर्ने पक्षमा छन् । उपाध्यक्ष गोल्छा स्वतः अध्यक्ष बनाइनुपर्ने पक्षमा निकै कम सदस्यले लबिइङ गरिरहेका छन् ।

विधान संशोधन प्रक्रिया भने केही समय लम्बिने देखिएको छ । समितिका अध्यक्ष ढकाललाई मातृशोक परेका कारण लम्बिने भएका हो ।

विधान संशोधन समितिमा र सवैै प्रदेशका अध्यक्ष, महासंघका उपाध्यक्षहरु किशोर प्रधान, उमेशलाल श्रेष्ठ, कार्य समिति सदस्यहरु कमला श्रेष्ठ, शकुन्तलाल हिराचनलगायत छन्।