ग्लोबल आईएमई लघुवित्तले १५ प्रतिशत बोनस दिने प्रस्ताव

काठमाण्डौ– ग्लोबल आईएमई लघुवित्तले लाभांश घोषणा गरेको छ । कम्पनीको साउन ३० गते बसेको संचालक समितिको बैठकले १५ प्रतिशत बोनस वितरण गर्ने प्रस्ताव गरेको हो ।

बैठकले हाल कायम चुक्ता पुंजीको १५ प्रतिशतले हुन् आउने १ करोड ४४ लाख ७ हजार ५ सयको बोनस वितरण गर्ने प्रस्ताव गरेको हो ।

त्यस्तै कम्पनीले बोनसमा लाग्ने कर प्रयोजनको लागि ७ लाख ५८ हजार २ सय ८९ रुपैयाँ बराबरको नगद लाभांश वितरण गर्ने प्रस्ताव गरेको छ ।

उक्त लाभांश प्रस्ताव नेपाल राष्ट्र बैंकले स्वीकृत दिएपछि र कम्पनीको आगामी साधारणसभाले पारित गरेपछि शेयरधनीलाई वितरण हुनेछ ।

हाल कम्पनीको चुक्ता पुंजी ९ करोड ६० लाख रहेकोमा प्रस्तावित १५ प्रतिशत बोनसपछि कम्पनीको चुक्ता पुंजी ११ करोड ४ लाख पुग्ने छ ।