चलचित्र विकास बोर्डका अध्यक्ष केशब भट्टराईको निधन

काठमाडौं,मंसिर ३० – नेपाल चलचित्र विकास बोर्डका अध्यक्ष केशव भट्टराईको निधन भएको छ । ५१ वर्षीय भट्टराईको आइतबार राती सवा १० बजे निधन भएको हो ।

राती अकस्मात बिरामी भएपछि उनलाई ओम अस्पताल लगिएको थियो । तर अस्पताल ल्याउनुअघि नै उनको निधन भैसकेको ओम अस्पताल स्रोतले जनाएको छ । उनलाई हृदयघात भएको अस्पतालले जनाएको छ ।

२०७५ चैत ४ गते बसेको मन्त्रिपरिषद् बैठकले भट्टराईलाई वोर्डको अध्यक्षमा नियुक्त गर्ने निर्णय गरेको थियो । अध्यक्ष हुनुअघि भट्टराई लामो समयदेखि चलचित्र निर्माण तथा अभिनयमा व्यस्त थिए ।

उनले आफ्नो मान्छे, पाहुना, कर्मयोद्धा, देवरवावु, छोडी गए पाप लाग्ला, सो सिम्पल’ लगायतका चलचित्र निर्माण गरेका थियो ।