चितुवा र मान्छेको घमासान लडाई, आक्रमणकारी चितुवा मारियो

मदन तिमल्सेना/तनहुँ बैशाख २५ -तनहुँको भानुनगरपालिका वडा नम्बर ४ चुदिमा चितुवाको आक्रमणबाट राम बहादुर कुमाल घाइते भएका छन् । बिहिवार रातिको करिब ३ बजेको समयमा कुमाललाई घर नजिकै चितुवाले अाक्रमण गरेको थियो । कुमाल चितुवाको आक्रमणबाट फुत्कन लडाइँ गरिरहेको समयमा होहल्ला भएपछि स्थानीय बासिन्दाहरु अाएर चितुवालाई हानेर मारेका छन् । घाइते कुमाललाई गण्डकी अस्पताल पोखरा लगेर उपचार गरिदैछ ।