चिनियाँ प्रतिनिधिमण्डल र झलनाथ खनालबीच भेटवार्ता

काठमाडौं, पुस १३ – नेपाल भ्रमणमा रहेको चिनियाँ प्रतिनिधिमण्डलले राजनीतिक भेटघाटलाई जारी राखेको छ । चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री गुओ येचौ नेतृत्वको प्रतिनिधिमण्डल र नेकपाका वरिष्ठ नेता झलनाथ खनालबीच भेटघाट भएको छ । अहिले भेटघाट जारी रहेको उनको सचिवालयले जानकारी दिएको छ ।

चार सदस्यीय टोलीले आज प्रचण्ड–नेपाल समूहका अध्यक्ष पुष्पकमल दाहाल प्रचण्ड र माधवकुमार नेपालसँग भेट गरेको छ ।  

आइतबार उक्त प्रतिनिधिमण्डलले राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग भेट गरेको थियो ।
 
नेकपा विभाजन भएका बेला चिनियाँ प्रतिनिधिमण्डल काठमाडौं आएको हो । उनीहरुले पार्टीलाई एकताबद्ध बनाउनुपर्नेमा जोड दिएका छन् ।