चियामा नीति परिमार्जन नहुँदा समस्या

काठमाण्डौँ – नेपाली चियाको अन्तर्राष्ट्रिय बजारमा माग उच्च भए पनि आन्तरिक समस्याले गर्दा निर्यात हुन सकेको छैन ।

चिया उद्योगी, साना किसान, मजदुर र व्यवसायीका आ–आफ्नै समस्याका कारण नेपालमा मागअनुसार चिया उत्पादन हुन नसकेको सरोकारवालाले बताएका छन ।

अन्तर्राष्ट्रिय श्रम संगठन (आईएलओ) ले बुधबार राजधानी आयोजना गरेको टि टास्क फोर्स समितिको बैठकमा उनीहरुले यस्तो बताएका हुन् ।

सरकारले चिया नीतिलाई समयअनुसार परिमार्जन गर्न नसक्दा समस्या आएको नेपाल उद्योग वाणिज्य महासंघ, कृषि उद्यम केन्द्रका सहसंयोजक हेमराज ढकालले बताए ।

चियामा समस्या हुँदाहुँदै पनि प्रदेश नम्बर १ मा चियाको उत्पादन ९८ प्रतिशत हुने भएकाले चिया पकेट प्रदेशको रूपमा घोषणा गरी त्यही अनुसारको सुविधा दिनुपर्ने व्यवसायीको भनाइ छ ।

– कारोबार