च्याम्पियन्स लिग : रियल र लिभरपुल भिड्दै, रामोस टिम बाहिर

काठमाडौं, १ बैशाख – च्याम्पियन्स लिग फुटबल अन्तर्गत क्वाटरफाइनलको दोस्रो लेगमा आज रियल मड्रिडले लिभरपुल भिड्दै छन् ।

लिभरपुलको मैदानमा हुने खेल राति १२:४५ बजे शुरु हुनेछ ।

एनफिल्डमा रियल जित निकाल्दै सेमिफाइनलमा पुग्न चाहन्छ । पहिलो लेगको जितको कारण रियललाई केहि सहज समेत हुनेछ ।

घरेलु मैदानमा भएको पहिलो लेगमा रियलले लिभरपुललाई ३-१ ले पराजित गरेको थियो ।

यस खेलको विजेताले सेमिफाइनलमा चेल्सीसँग खेल्नेछ ।

लिभरपुलविरुद्ध रियलका कप्तान सर्जियो रामोसले खेल्ने छैनन् । उनी कोरोना भाइरसको संक्रमणको कारण टिम बाहिर रहेका छन् ।