जाजरकोटका पहिरो पीडितलाई रेडक्रसको पाँच लाख ८० हजार सहयोग

काठमाडौ, कात्तिक १३ – जाजरकोटको बारेकोटका पहिरो पीडितलाई रेडक्रसले नगद पाँच लाख ८० हजार रुपैयाँ राहत वितरण गरेको छ ।

अन्तर्राष्ट्रिय रेडक्रस महासंघको सहयोगमा बाढीपहिरो प्रभावितका लागि सहयोग कार्यक्रम अन्र्तगत नेपाल रेडक्रस सोसाइटीले बारेकोटका पहिरो पीडित एक सय ४० परिवारलाई नगद राहत वितरण गरेको हो ।

बाढी पहिरोका कारण ज्यान गुमाएकाहरुका परिवार, घर भत्किएका र पहिरोको उच्च जोखिममा परेका एक सय परिवारलाई पाँच हजारका दरले पाँच लाख नगद वितरण गरिएको नेपाल रेडक्रसका मन्त्री धिरेन्द्रबहादुर शाहले बताए । पहिरोले आंशिक क्षति भएका ४० परिवारलाई दुई हजारका दरले ८० हजार नगद रकम वितरण गरिएको उनले बताए ।