जापानमा कोरोना सङ्क्रमणबाट मृत्यु हुनेको संख्या १० हजार जना भन्दा बढी

काठमाडौं, वैशाख १४  –  जापान सरकारले तेस्रो पटक संकटकाल घोषणा गरेको दोस्रो दिन सोमबार सार्वजनिक गरिएको तथ्यांकमा सङ्क्रमितमध्ये अहिलेसम्ममा १० हजार जनाको ज्यान गएको बताइएको छ।सङ्क्रमणको घोषणा गरेपछिको दोस्रो दिनमै सोमबार मात्र यहाँ कोरोना भाइरसबाट सङ्क्रमितहरुको संख्या झन धेरै देखिएको बताइएको थियो।

जापानमा अहिलेसम्ममा पाँच लाख ६६ हजार जना भन्दा बढी नागरिक सङ्क्रमित भएका बताइएको छ। जापानी अधिकारीहरुले पछिल्ला केही हप्तामा जापानमा सङ्क्रमण हुने र मृत्यु हुने दर बढिरहेको पनि बताएका छन्।जापानका स्वास्थ्यमन्त्री र स्थानीय सरकारका अधिकारीहरुले मंगलबार दिएको जानकारीअनुसार आजसम्ममा सङ्क्रमणबाट मृत्यु हुने दश हजार जना पुगेका छन्।

जापानको राजधानी टोकियो र त्यसपछि पश्चिमी प्रान्तहरु सहरहरु ओसाका, क्योटो र ह्योगोमा प्रधानमन्त्री याशिहिदे सुगाले आइतबार संकटकालको घोषणा गरेका थिए। सो संकटकालपछि सोमबार मात्र कम्तीमा ३ हजार ३०० जना जतिमा यो संक्रमण देखिएको बताइएको छ। राजधानी टोकियोसहित कोरोना भाइरसबाट बढी प्रभावित अन्य सहरहरु कानागावा, सैतामा, चिबा, ओसाका, ह्योगो र फुकुओकामा लागु गरिएको हो।

यहाँ कोरोना विरुद्धको खोपको काम भने निकै ढिला भएको बताइएको छ । कारोनाको खोप दिन ढिला गरिरहेकोले सरकारको आलोचना पनि भइरहेको बताइएको छ।