जार तथा बोतलको पानीको मूल्य तत्काल मूल्यवृद्धि नगर्ने

काठमाडौं, असोज २७ – आफूखुशी व्यवसायीले पानीको मूल्य बढाएपछि वाणिज्य, आपूर्ति तथा उपभोक्ता हित संरक्षण विभागले व्यवसायीसँग छलफल गरेको छ । सोमबार विभागमा पानी व्यवसायीसँग भएको छलफलपछि बढेको मूल्य फिर्ता गरी तत्काल मूल्यवृद्धि नगर्ने सहमति भएको जनाइएको छ ।

विभागले बोतलको पानी र जारको पानीको छुट्टाछुट्टै मूल्य निर्धारण गरेको थियो । विभागले निर्धारण गरेको नयाँ मूल्यअनुसार ६० लिटर पानी भएको जारको अधिकतम खुद्रा मूल्य रु. ५० र एक लिटर पानी भएको बोतलको मूल्य रु. १६ कायम गरेको थियो । नयाँ निर्धारणअनुसार व्यवसायीले १८ गतेदेखि एक जार पानीको मूल्य रु. ५० मा बिक्री गरेका थिए । १८ गतेअघिसम्म प्रतिजार रु. २५ देखि ५० मा बिक्री गर्ने गरीएको थियो ।