जीडी गोयन्का विश्वविद्यालयको क्षेत्रीय कार्यालय काठमाडौं

काठमाडौं, पुस २१- भारतको प्रसिद्ध विश्वविद्यालय जीडी गोयन्का विश्वविद्यालयले नेपालमा क्षेत्रीय कार्यालय स्थापना गरेको छ ।

अल्टिमेट कन्सलटेन्सी एन्ड एड्भाइजरी नेटवर्क (यूक्यान)सँगको संयुक्त लगानीमा क्षेत्रीयकार्यालय स्थापना गरेको युक्यानका सञ्चालक निरन्जन पन्तले जानकारी दिए ।

आइतबार पुतलिसडकस्थित यूक्यानको कार्यालयमा नेपाल शैक्षिक परामर्श संघ (इक्यान)का अध्यक्ष विष्णुहरि पाण्डे र विश्वविद्यालयका प्रबन्धनिर्र्देशक निपुन गोयन्काले संयुक्त रुपमा उद्घाटन गरे ।

कार्यक्रममा बोल्दै गोयन्काले उच्चशिक्षाकालागि विश्वविद्यालयमा नेपाली विद्यार्थीहरुलाई स्वागत गर्न आतुर रहेको भन्दै गुणस्तरीय शिक्षाकालागि विश्वविद्यालयमा आउनआग्रह गरे ।

अन्तराष्टियस्तरको शिक्षालिन चाहने विद्यार्थीलाई सेवादिने लक्ष्यसहित युक्यानले गोयन्का विश्वविद्यालयसँग सहकार्य गरेको पन्तले जानकारी दिए । भारतमागइ विश्वविद्यालयको शिक्षालिन चाहने विद्यार्थीका लागि जीडी गोयन्का विश्वविद्यालय सुहाउँदो शुल्कमा गुणस्तरीय शिक्षाकालागि उपयुक्त भएको पन्तको भनाइ छ ।

कार्यक्रममा बोल्दै इक्यानका अध्यक्ष विष्णुहरि पाण्डेले पनि जिडी गोयन्का विश्वविद्यालय निकै राम्रो भएको भन्दै नेपाली विद्यार्थीलाई ढुक्क भइ विश्वविद्यालयमा अध्ययन गर्न आग्रह गरे । उनले आफूले पनि विश्वविद्यालयमा पुगी प्रत्यक्ष अवलोकन गरेको भन्दै त्यहाँको शिक्षण पद्धति र होस्टेलको सुविधाबाट निकै प्रभावितभएको बताए ।

उच्चशिक्षाकालागि भारत नेपाली विद्यार्थीहरुकालागि लामो समयदेखि गन्तव्य रहेको र भाषा तथा सस्कृतिले नेपाली विद्यार्थीका लागि सहज गन्तव्य भएकाले प्रत्येक वर्ष हजारौंको संख्यामा भारत जाने गरेका छन् । भारत जान चाहने विद्यार्थीहरुलाई शैक्षिक परामर्श दिन र उनीहरुलाई जेन्युन करिअर काउन्सिलिड क्षेत्रीय कार्यालयबाट हुनेछ ।

• 

भारतको राजधानी नयाँ दिल्ली एनसीआरमा अवस्थित विश्वविद्यालयसँग भारत भरीमा ११ वटा स्कुल सञ्चालनमा छन् भने विश्वविद्यालयमा २६० वटा शैक्षिक कार्याक्रम सञ्चालनमा छन् ।

सन् २०१२ देखि शैक्षिक परामर्श व्यवसायमा सक्रिय पन्त स्टडी इनयूकेका लागि पायोनियर मानिन्छन् । पन्तले जिडी गोयन्का विश्वविद्यालय आफैमा ब्राण्ड भएको भन्दै यूक्यानबाट काउन्सिलिड लिएर भारत अध्ययन गर्न जाने विद्यार्थीले छात्रवृत्तिको समेतपाउने जानकारी दिए ।

विश्वविद्यालयका इन्टरनेशल एडमिसन एन्ड मार्केटिड निर्देशक डा अजितकुमार नेडुंगाडीले विश्वविद्यालयको शिक्षा पद्धति अत्याधुनिक हुनुका साथै विश्वविद्यालयमाविद्यार्थीका लागि अतिरिक्त क्रियाकलापमा समेत उत्तिकै ध्यानदिएको बताए ।

विश्वविद्यालयमा होस्टेलको सुविधापनि रहेको र होस्टेल भारतमा सबैभन्दा राम्रो र सुविधा सम्पन्नभएको समेत उनले बताए ।

विश्वविद्यालयमा आर्किटेक्चर एन्ड प्लानिड, कम्युनिकेशन, एजुकेशन, इन्जिनियरिड, फेसन एन्ड डिजाइन, हस्पिटालिटी, ह्युमनिटिजन एन्ड सोसल साइन्स, कानून, म्यानेजमेन्ट एन्ड मेडिकललगायतका कोर्स अध्यापन हुँदै आएको छ ।