जेठ ५ गतेसम्म लकडाउन लम्बियो

काठमाडौं, बैशाख २४ – लकडाउन जेठ ५ गतेसम्म लम्बिने भएको छ । बुधबार बसेको मन्त्रिपरिषद बैठकले आगामी जेठ ५ गतेसम्म लकडाउन लम्ब्याउने निर्णय गरेको हो ।

हिजो बसेको कोरोना रोकथाम तथा नियन्त्रण उच्चस्तरीय समन्वय समितिको बैठकले सरकारले गर्दै आएको लकडाउनलाई निरन्तरता दिने निर्णय गरेको थियो।

• 

चैत ११ देखि सरकारले जारी गरेको लकडाउनको अवधि भोलि बिहीबार सकिँदैछ । लकडाउन अवस्था र स्थान हेरी केही खुकुलो गर्न माग भइरहेका बेला सरकारले जेठ ५ गते सम्मका लागि थपेको हो । संक्रमणको जोखिम बढ्दै गएपछि लकडाउनको समय बढाएको जनाइएको छ ।

लकडाउनकै बीच यतिबेला नेपालमा कोरोना संक्रमितको संख्या ८२ पुगेको छ ।