टोटेनहममाथि लिभरपुलको जित

काठमाडौं,माघ १६- इंग्लिस प्रिमियर लिगमा लिभरपुलले टोटेनहमलाई उसकै मैदानमा ३–१ ले हराएको छ । बिहीबार राति भएको खेलमा लटोटेनहम हस्टपर स्टेडियममा घरेलु टोलीले खेलको तेस्रो मिनेटमा गोल गरे पनि भिएआरबाट मान्यता नपाउदा टोटेनहम अग्रतथा लिनबाट चुकेको थियो ।

पहिलो हाफको थप गरिएको चौथो मिनेटमा रोबर्टाे फिर्मिनोले गोल गर्दै लिभरपुललाई १–० ले अघि बढाए । खेलकाे ४७औं मिनेटमा ट्रेन्ट एलेक्सान्डर अर्नाेल्डले गोल गर्दै लिभरपुललाई २–० ले अघि बढाए ।

४९औं मिनेटमा पिएरे इमिल होब्जजर्गले गोल गर्दै टोटेनहमलाई खेलमा फर्कने संकेत दिए । उनले स्टेभन वर्गवाइनको पासमा गोल गर्दै खेललाई २–१ को अवस्थामा ल्याए । ६५औं मिनेटमा साडियो मानेले ट्रेन्ट एलेक्सान्डर अर्नाेल्डको पासमा गोल गर्दै लिभरपुलाई ३–१ को जित दिलाए ।

यो जितसँगै लिभरपुल २० खेलबाट ३७ अंक जोडेर चौथो स्थानमा उक्लिएको छ । पराजित टोटेनहम १९ खेलबाट ३३ अंक जोडेर छैटौं स्थानमा छ ।