ठाँटीकाँध गाउँपालिका अध्यक्ष अपहरित, श्रीमतीलाई जङ्गलमा छाडियो

काठमाडौं, पुस ६- ठाँटीकाँध गाउँपालिकाका अध्यक्ष धीबहादुर शाहीअपहरणमा परेका छन् । अपहरणकारीको समुहले शाही र उनकी श्रीमती इला शाही अपहरण गरी लगेकोमा इला शाहीलाई बीच जङ्गलमा छाडेको कर्णाली प्रदेशका प्रहरी प्रमुख डिआइजी पूर्णचन्द्र जोशीले बताएका छन् ।

शनिबार राति १२ बजे २० देखि २५ जनाको समूहले शाही दम्पतीलाई अपहरण गरी लगेका थिए । नेत्रविक्रम चन्द विप्लव नेतृत्वको नेकपाका कार्यकर्ताले शाहीलाई अपहरण गरेको दैलखेका सहायक प्रमुख जिल्ला अधिकारी इन्द्रबहादुर क्षत्रीले जानकारी दिए ।

गाउँपालिकाको बजेट दुरुपयोग गरेको भन्दै विप्लव कार्यकर्ताले अध्यक्ष शाहीलाई पहिला नै चेतावनी पत्र दिएको थियो ।

यसअघि पनि अध्यक्ष शाहीका भाइ हस्तबहादुर शाहीलाई विप्लव समूहले अपहरण गरे र केहि समयमै छाडिएको थियो । इला कृष्ण माध्यमिक विद्यालयको प्रधानाध्यापक हुन् ।