डिआइजी पोखरेल एआइजीका लागि सिफारिस

काठमाडौं, मंसिर १५ – नेपाल प्रहरीका डिआइजी विश्वराज पोखरेललाई एआइजीमा बढुवाका लागि सिफारिस गरिएको छ। सोमबार गृह मन्त्रालयमा बसेको बढुवा सिफारिस समितिको बैठकले पोखरेललाई एआइजीमा बढुवाका लागि सिफारिस गरेको हो ।  

गृह मन्त्रालयका सचिव महेश्वर न्यौपानेको अध्यक्षतामा गठित एआइजी बढुवा सिफारिस समितिमा प्रधानमन्त्री कार्यालयका सचिव सदस्य छन् ।

समितिमा प्रहरी महानिरीक्षक (आइजिपी) सदस्यसचिव रहने व्यवस्था छ ।