डिशहोम फाइबरनेटको सेवा बुटवल र बर्दिवास पुग्यो, डिशहोममार्फत निःशुल्क टीभी हेर्न पाइने

बार्षिक ७ हजार २०० रूपैयाँ (मासिक ६०० रूपैयाँ)मा डिशहोम लाइफस्टाइल प्याकेजसँगै १० एमबीपीएस इन्टरनेट प्राप्त गर्न सकिन्छ भने वार्षिक १० हजार रूपैयाँ (मासिक ८३३ रूपैयाँ)मा डिशहोमको लाइफस्टाइल प्याकेज र २५ एमबीपीएस गतिको इन्टरनेट प्राप्त गर्न सकिने कम्पनीले जनाएको छ ।

काठमाडौं । डिशहोम फाइबरनेटले आफ्नो नवीनतम् सेवा बुटवल र बर्दिवासमा पनि विस्तार गरेको छ ।

डिशहोमले बुटवल र बर्दिवास नगरक्षेत्रमा यो सेवा दिन थालेको हो । कम्पनीले बुटवलको सिद्धबाबा (तल्लो), गोलपार्क, ज्योतिनगर, ट्राफिक चोक, हस्पिटल लाइन, टभुड्की चोक, चादबारी, भाटभटेनी लाइन, सुक्खानगर एरिया, हिलपार्क, आम्दा हस्पिटल लाइन, दीपनगर, शिवनगर एरिया, मुटु हस्पिटल बेश क्याम्प, रामनगर एरिया, बुटवल चौराहालगायतका क्षेत्रमा फाइबर इन्टरनेट वितरण शुरू गरेको हो ।

त्यस्तै, बर्दिवास नगरपालिकाको इन्टरनेट जडान गर्दा टीभी सब्स्क्रिप्शन, डिशहोम मोवाइल एप, एक्सभीओडी सेवा निःशुल्क प्रदान गर्ने भएको छ । योसँगै फाइबर नेटको उपभोक्ताले डिशहोममार्फत निःशुल्क टीभी हेर्न पाउने भएका छन् ।

लालगढ हस्पिटल चोक, लालगढ धनौजी, लालगढ पानीट्याङ्की, लालगढ सुनौलो बस्ती, ललगढ श्रेष्ठ टोल, लालगढ आदर्श टोल, लालगढ बाल टोल, बर्दिवास सिन्धुली रोड, बर्दिवास यातायात, हमाल टोल, जनता मावि स्कुल, बुद्ध चोक, बर्दिवास औराही रोड, बर्दिवास बजार, संगम बस्ती, गौतम होटल, चौधरी मार्केट, गलटार, नमुना बस्ती, बर्गाच्छी टोल, गौरीडाँडा, गौरीडाँडा १६ विघा, ढुंगाना टोल गौरीडाँडा, रेडियो नेपाल गौरीडाँडामा डिशहोम फाइबरनेट सेवा जडान शुरू गरिएको कम्पनीले जनाएको छ ।

संघीय राजधानी काठमाडौंसहित मुलुकका प्रमुख शहरहरूमा इन्टरनेट सेवा शुरू गरिसकेको कम्पनीले बुटवल र बर्दिवासमा अहिले सेवा शुरू गरेको हो । कोरोनाको बढ्दो संक्रमण र निषेधाज्ञाका कारण धेरै शहरहरूमा इन्टरनेट सेवा शुरू गर्न नसकेको डिशहोमले अब पूर्वयोजनाअनुसार सेवा विस्तार तीब्र बनाउने जानकारी दिएको छ ।

डिशहोमका स्थानीय डिलर तथा हटलाइन नम्बर ९८०१५४४००० मा फोन गरेर पनि इन्टरनेट जडान गर्न सकिन्छ । हाल ३०, ४०, ६० र १०० एमबीपीएस गतिको इन्टरनेट उपलब्ध गराउँदै आएको कम्पनीले चाँडै २०० एमबीपीएस गतिको पनि इन्टरनेट शुरू गर्ने योजना बनाएको छ ।

त्यस्तै, कम्बो प्याकेजअन्तर्गत लाइफ स्टाइल प्रिमियम प्याकेज लिने ग्राहकले निःशुल्करूपमा १० एमबीपीएस गतिको इन्टरनेट र मासिक २३३ रूपैयाँमा २५ एमबीपीएस गतिको एफटीटीएच सेवा सित्तैमा प्राप्त गर्न सक्ने छन् ।

जसअनुसार बार्षिक ७ हजार २०० रूपैयाँ (मासिक ६०० रूपैयाँ)मा डिशहोम लाइफस्टाइल प्याकेजसँगै १० एमबीपीएस इन्टरनेट प्राप्त गर्न सकिन्छ भने वार्षिक १० हजार रूपैयाँ (मासिक ८३३ रूपैयाँ)मा डिशहोमको लाइफस्टाइल प्याकेज र २५ एमबीपीएस गतिको इन्टरनेट प्राप्त गर्न सकिने कम्पनीले जनाएको छ ।

डिशहोम नेपालको सबैभन्दा ठूलो टेलिभिजन सेवाप्रदायक कम्पनी हो ।