डोजरको ट्युब पड्किँदा एक जनाको मृत्यु

काठमाडौं, कात्तिक २४ – डोजरको टायरको ट्युबमा हावा भर्ने क्रममा उक्त ट्युब पड्किँदा जुम्लामा एकजनाको मृत्यु भएको छ । कनकासुन्दरी गाउँपालिका– २ उल्खेस्थित एक ग्यारेजमा ट्युबमा हावा गर्ने क्रममा सोही वडाका ५९ वर्षीय धनराम रावतको मृत्यु भएको प्रहरी नायव उपरीक्षक माधवप्रसाद काफ्लेले जानकारी दिए । 

उनका अनुसार टायरमा हावा भर्दै गर्दा अकस्मात् ट्युब पड्किएपछि घटनास्थलमै रावतको मृत्यु भएको हो ।