तनहुँका लोहनीको स्वामित्वमा अस्ट्रेलियामा खुल्यो प्राविधिक कलेज

बिष्णु गौतम
तनहुँ, २३ जेठ – तनहुँका सागर लोहनीको स्वामित्वमाअष्ट्रेलियाको न्यू साउथ वेल्समा प्राबिधिक कलेज ईन्टरनेशनल ईन्स्टिच्युट अफ एजुकेसन खुलेको छ । उक्त कलेजमा चाइल्ड केयर, इन्फर्मेसन टेक्नोलोजी र अकाउन्टिङ लगायतका कोर्समा पढाई हुनेछ। ब्यवस्थापन र टेलिकम्युनिकेशन इन्जिनियरिङको समेत छिट्टै अनुमती प्राप्त गरि सन्चालन गरिने लोहनीले बताए। प्राबिधिक र व्यावसायिक सीप सम्बन्धि कोर्स भएकोले कलेजको पढाइ जुनसुकै देशमा अवसरमुलक हुने लोहनीको दाबी छ।

अधिकांश विद्यार्थीको काम र पढाइ बीच सामान्जस्य नभएको सन्दर्भमा यस खाले प्राबिधिक बिषय पढेर स्नातक तथा स्नातकोत्तर अध्ययन गर्ने विद्यार्थीले काम पाउन सजिलो हुने र आफ्नो पढाइ अनुसारको काम समेत पाउने भएकाले यसकाले कोर्स सुरु गरिएको लोहनीले बताए।

हालसालैका वर्षहरूमा अष्ट्रेलिया सरकारले आवासीय मापदण्डमा धेरै परिवर्तन गरेको छ। प्राबिधिक र व्यावसायिक सीप भएका ब्यक्तीहरुलाई सहज हुने हुँदा कलेज प्रती विद्यार्थीको आकर्षण रहने लोहनीको भनाइ छ।

सन् २००८ मा अस्ट्रेलियामा उच्च शिक्षा अध्ययन गर्न गएका लोहनी अस्ट्रेलियाको सिक्युयु युनिभर्सिटीबाट अनुसन्धानमा स्नातकोत्तर गरेका छन। विभिन्न पेशा अपनाउदै हाल आफ्नै ब्यवसायमा होमिएका लोहनी हाल चार्ल्स डार्विन युनिभर्स्टीबाट कानूनमा पनि स्नातकोत्तर अध्ययनरत छन्। रोटर्याक्ट र युनेस्को अभियानमा समेत सक्रिय लोहनीले नेपालमा साक्षरता सम्बन्धि विभिन्न कार्यक्रममा सहयोग पुर्याउँदै आएका छन। उनको कलेजको वेबसाईट www.iie.edu.au रहेको छ ।