तनहुँको घिरिङमा गाडी अनियन्त्रित हुदा १ जनाको मृत्यु ५ घाइते

मदन तिमल्सेना/ तनहुँ, बैशाख १५ – तनहुँको घिरिङ गाउपालिका ५ बेलभञ्ज्याङ देउरालीको भित्री सडकमा बलेरो जीप दुर्घटना हुदाँ १ जनाको मृत्यु र ५ घाइते जना घाईते भएका छन् । डेढगाउँबाट पोखरा तर्फ जादै गरेको ग.१ ज ७५०२ नम्बरको उक्त जिप आफै अनियन्त्रीत भई सडकबाट करिब २०० मिटर तल खसेको थियो । घाईते मध्ये एक जना जिल्ला नवलपुर बौदिक कालिका गाउपालिका २ बस्ने करिब वर्ष २३ की सन्जु पोख्रेलको गण्डकी अस्पतालमा मृत्यु भएको जिल्ला प्रहरी कार्यालय तनहुका प्रबक्ता एवम् डिएसपी लिलाराज लामिछानेले जानकारी दिएका छन् । साथै अरु घाईतेहरुको शुभलक्ष्मी मेडिकल भिमादमा उपचार भईरहेको पनि उनले जनाए । घाइतेहरुमा जिल्ला नवलपुर बौदिक कालिका गा.पा. २ बस्ने वर्ष ५४ को दिलमाया खत्री, वर्ष २६ की सुनिता खत्री, वर्ष ७ को अविषेक खत्री,६ महिनाको अनिल खत्री,वर्ष २१ को शन्तोष परियार (सह चालक) को अवस्था सामान्य रहेको उनले बताए ।