तनहुँको भानु नगरपालिकाको बजेट सार्वजनिक

काठमाण्डौँ — तनहुँको भानु नगरपालिकाले चालु आर्थिक वर्ष २०७५/७६ का लागि पारित गरेको बजेट सार्वजनिक गरेको छ ।

असार महिनामै पारित भइसक्नुपर्ने बजेट नगरसभाले असोज महिनामा पारित गरेको हो ।

भदौको अन्तिम साताबाट मात्रै भानुको नगरसभा शुरु भएको थियो ।

नगरपालिकाका जनप्रतिनिधिको आन्तरिक विवादले बजेट सार्वजनिकमा ढिलाइ भएको हो ।

भानु नगरपालिकाका प्रमुख उदयराज गौलीले नगरसभाबाट पारित भएको रु ७६ करोड ६७ लाख ८६ हजार ६१४ को बजेट सार्वजनिक गर्नुभयो ।

सार्वजनिक बजेटअनुसार पूँजीगत तर्फ रु २९ करोड १२ लाख १६ हजार ६१४ र चालु तर्फ रु २० करोड २९ लाख ७० हजार रहेको छ ।

— कारोबार