तनहुँमा बसको ठक्करबाट महिलाको मृत्यु

मदन तिमल्सेना
तनहुँ ,फागुन १०- तनहुँको पृथ्वी राजमार्गमा पर्ने व्यास-१२ कमलबारीमा बसको ठक्करबाट एक महिलाको मृत्यु भएको छ । मृत्यु हुनेमा व्यास(१२ को देउराली खानीगैह्राकी ५५ वर्षीय विष्णुमाया घर्ती रहेकी छन् ।

दमौलीबाट डुम्रेतर्फ जाँदै गरेको ग १ ख ९६१८ नम्बरको बसबाट झरेर गन्तव्य तर्फ लाग्ने क्रममा साइडबाट जाँदै गर्दा सोही बसले ठक्कर दिएको तनहुँका जिल्ला ट्राफिक प्रमुख पुर्ण बहादुर अधिकारले जानकारी दिए । घर्तीको बसको ठक्करबाट घटनास्थलमै मृत्यु भएको अधिकारीले बताए । शव पोष्टमार्टमका लागि दमौली अस्पतालमा राखिएको छ । थप अनुसन्धानक बस र चालकलाई प्रहरीले नियन्त्रणमा लिएको छ ।