तीन वर्षमा इन्धनबाट बूढीगण्डकीका लागि २२ अर्ब संकलन

काठमाण्डौँ – बूढीगण्डकी जलविद्युत् आयोजनाको पूर्वाधार निर्माणका लागि तीन वर्षको अवधिमा पेट्रोलियम पदार्थबाट २२ अर्ब रुपैयाँ संकलन भएको छ ।

उपभोक्तालाई अतिरिक्त भार नपर्ने गरी नेपाल आयल निगमले ३ वर्षको अवधिमा यो रकम संकलन गरेको हो ।

निगमले इन्धन आयात हुने भन्सार विन्दुमा डिजेल, पेट्रोल र हवाई इन्धनमा प्रतिलिटर पाँच रुपैयाँका दरले रकम संकलन गर्दै आएको छ ।

बूढीगण्डकी जलविद्युत् आयोजनाको पूर्वाधारण निर्माणका लागि आर्थिक वर्ष २०७२/७३ को १६ जेठदेखि भन्सार विन्दुबाट प्रतिलिटर पाँच रुपैयाँका दरले रकम संकलन गरिँदै आएको निगमका नायव कार्यकारी निर्देशक नागेन्द्र साहले बताए ।

तीन वर्षको अवधिमा बूढीगण्डकीका नाममा २१ अर्ब ९० करोड रुपैयाँ संकलन गरिएको जानकारी दिए ।

निगमले अन्य शीर्षकमा पनि उपभोक्ताबाट रकम असुल गर्दै आएको छ ।

– कारोबार