तोलामा पाँच सयले घट्यो सुन,कतिमा हुदैछ कारोबार ?

काठमाडौं, माघ ८– बुधबार सुनचाँदीको भाउ घटेको छ । बुधबार छापावाल सुनको भाउ तोलामा पाँच सय रुपैयाँले घटेको हो ।

मंगलबार ७५ हजार ३ सय रुपैयाँमा कारोबार भएको सुनको भाउ बुधबार तोलामा पाँच सय रुपैयाँ घटेर तोलाको ७४ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

त्यसै गरी मंगलबार प्रतितोला ७५ हजार रुपैयाँ कायम भएको तेजावी सुनको आज घटेर तोलाको ७४ हजार ५ सय रुपैयाँमा कारोबार भइरहेको छ ।

बुधबार चाँदी पनि तोलामा १५ रुपैयाँ घटेर तोलाको ८ सय ८० रुपैयाँमा कारोबार भइरहेको छ ।