थप १०१ जना संक्रमितको मृत्यु, ८ हजार ६६३ जना संक्रमणमुक्त

काठमाडौं, जेठ २१ – नेपालमा पछिल्लो २४ घण्टामा कोरोना भाइरस संक्रमणका कारण १०१ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ७ हजार ७३१ पुगेको छ ।

यस्तै आज ८ हजार ६६३ जना संक्रमित डिस्चार्ज भएका छन् । यो सँगै नेपालमा कोरोना भाइरसलाई परास्त गर्नेको संख्या ४ लाख ७६ हजार १३० जना पुगेको छ । यो कुल संक्रमितको ८१.९ प्रतिशत हो ।