थप १०५ जनामा कोरोना पुष्टि, २४ घण्टामा २७२ जना संक्रमण मुक्त

काठमाडौं, माघ २३ –नेपालमा पछिल्लो २४ घण्टामा १०५ जनामा कोरोना संक्रमण पुष्टि भएको छ ।योसँगै नेपालमा कुल कोरोना संक्रमितको संख्या २ लाख ७१ हजार ७०७ पुगेको स्वास्थ्य मन्त्रालयले जनाएको छ ।त्यस्तै पछिल्लो २४ घण्टामा नेपालमा कोरोना भाइरसका कारण २ जनाको मृत्यु भएको छ

योसँगै नेपालमा कोरोनाबाट मृत्यु हुनेको कुल संख्या २ हजार ३५ पुगेको छ ।नेपालमा पछिल्लो २४ घण्टामा कोरोना संक्रमण मुक्त हुनेको संख्या २७२ रहेको छ ।योसँगै नेपालमा कुल कोरोना संक्रमण मुक्त हुनेको संख्या २ लाख ६७ हजार ५६४ पुगेको छ।हाल नेपालमा सक्रिय संक्रमितको संख्या २ हजार १०८ रहेको छ ।

नेपालमा २० लाख ८८ हजार ३७२ वटा पीसीआर नमूना परीक्षण भएका छन् ।नेपालमा क्वारेन्टाइनमा रहनेको संख्या ९२ रहेको छ।