थप १०९ जनामा कोरोना संक्रमण पुष्टि ; संक्रमितको संख्या १८ हजार ४ सय ८३ पुग्यो

काठमाडौँ, साउन १० — पछिल्लो २४ घन्टामा नेपालमा १ सय ९ जनामा कोरोना संक्रमण देखिएको छ । देशभरका प्रयोगशालामा ४ हजार ७५ नमुना परीक्षण गर्दा उनीहरुमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । नियमित मिडिया ब्रिफिङका क्रममा स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले थप १०९ जनामा संक्रमण देखिएको बताएका हुन् ।

थपिएका नयाँ संक्रमित सँगै नेपालमा कोरोना संक्रमितको संख्या १८ हजार ४ सय ८३ पुगेको छ । ७० दशमलव ६ प्रतिशत संक्रमित निको भएर घर फर्किएको प्रवक्ता गौतमले बताएका छन् ।