थप २१ सय ३ जनामा कोरोना संक्रमण पुष्टि : २८५८ जना डिस्चार्ज

काठमाडौं, मंसिर ४ – नेपालमा पछिल्लो २४ घण्टामा थप २१ सय ३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार कुल संक्रमितको संख्या २ लाख १५ हजार २० पुगेका छन् ।

त्यस्तै पछिल्लो २४ घण्टामा २८ सय ५८ जना संक्रमित डिस्चार्ज भएका छन् । हालसम्म नेपालमा १ लाख ८५ हजार ६ सय ३८ जना कोरोना संक्रमित निको भएका छन् । हालसम्म १६ लाख ३३ हजार ५ सय ५९ जनाको पीसीआर परीक्षण गरिएको मन्त्रालयले जनाएको छ ।