थप २६ सय २२ जनामा कोरोना संक्रमण पुष्टि, २३ जनाको मृत्यु

काठमाडौं । पछिल्लो २४ घन्टामा थप २६ सय २२ जनामा कोरोना संक्रमण पुष्टि भएको छ ।

सोमबार स्वास्थ्य तथा जनसंख्या मन्त्रालयले दिएको जानकारी अनुसार ११ हजार ५ सय २७ जनाको पीसीआर र एन्टीजेन परीक्षणका क्रममा २६ सय २२ जनामा संक्रमण पुष्टि भएको हो ।

७ हजार ४ सय ९९ जनामा पीसीआर परीक्षण गर्दा १ हजार ७ सय ४५ र ४ हजार २८ एन्टीजेन परीक्षण गर्दा ८ सय ७७ जनामा संक्रमण पुष्टि भएको हो ।

सोही अवधिमा कोरोना संक्रमणका कारण थप २३ जनाको  मृत्यु  भएको छ । यससँगै कोरोनाबाट मृत्यु हुनेको संख्या ९ हजार २४८ पुगेको छ ।