थप ८१ जनामा कोरोना संक्रमण ; ४८ जना संक्रमित संक्रमणमुक्त, २ संक्रमितको मृत्यु

काठमाडौं, फागुन १६ –  पछिल्लो २४ घण्टामा थप ८१ जनामा कोरोना संक्रमण पुष्टि भएको छ । आइतवार थप ८१ जनामा कोरोना संक्रमण पाइएको स्वास्थ्य तथा जनसंख्या मन्त्रालयले जनाएको छ ।

यससँगै हालसम्म मुलुकभर कोरोना संक्रमितको संख्या २ लाख ७४ हजार ६५ जना पुगेको छ ।

मन्त्रालयका अनुसार, पछिल्लो २४ घन्टामा ४८ जना संक्रमित संक्रमणमुक्त भएका छन् ।