थप ८९९ जनामा कोरोना संक्रमण पुष्टि, १९९६ जना संक्रमणमुक्त

काठमाडौं, मंसिर ३० – पछिल्लो २४ घण्टामा नेपालमा थप ८९९ जनामा कोरोनाभाइरस संक्रमण पुष्टि भएको छ। यससँगै हालसम्म मुलुकमा कोरोना संक्रमित हुनेको संख्या २ लाख ५० हजार १८० पुगेको छ। 

स्वास्थ्य तथा जनसंख्या मन्त्रालयका अनुसार हाल मुलुकमा कोरोनाका सक्रिय संक्रमितको संख्या भने ९ हजार ८८१ रहेको छ। 

यस्तै, सोही अवधिमा १९९६ जना संक्रमित निको भएका छन्। जम्मा संक्रमितमध्ये हालसम्म कोरोना संक्रमण निको हुनेको संख्या २ लाख ३८ हजार ५६९ पुगेको मन्त्रालयले जनाएको छ।

हाल क्वारेन्टिनमा ४५७ जना रहेका छन्।