दाङको लमहीमा आगलागी, ६ घर जलेर नष्ट

काठमाडौं, चैत २ –लमही नगरपालिका वडा नम्बर ६ ढिकपुर गाउँमा सोमबार आगलागी हुँदा ६ वटा घर जलेर नष्ट भएका छन् ।स्थानीय वलिराम चौधरीको घरबाट सुरु भएको आगो गाउँका अन्य पाँच घरमा पनि फैलिएको हो । खरको छानो भएकाले आगो छिटो फैलिएको र क्षति भएको स्थानीय रामबहादुर चौधरीले जानकारी दिए ।

‘राप्ती नदिको किनारमा बस्ती छ । तर, आयो निभाउन हम्मेहम्मे पर्‍यो’ उनले भने, ‘खरको छानो भएका घर छन् । आगो बस्तीमा फैलने जोखिम थियो ।’स्थानीय बासिन्दा, नेपाल प्रहरी, सशस्त्र प्रहरी, दमकलको सहयोगमा आगो नियन्त्रणमा लिइएको छ ।

क्षतिको विवरण संकलन भइरहेको वडा प्रहरी कार्यालय लमहीका प्रहरी नायव निरीक्षक पुरान मल्लले बताए ।आगलागीको कारण यकिन नभए पनि विद्युत सर्ट भएर आगो फैलिएको हुन सक्ने अनुमान छ ।