दिवेश उर्फ आर्थर गन अमेरिकन आइडलको फाइनलमा

काठमाण्डौं, ५ जेठ- नेपाली युवक दिवेश पोखरेल आर्थर गन अर्थात आर्थर गन अमेरिकन आइडलको फाइनलमा पुगेका छन् । उनी प्रतिस्पर्धाको अन्तिम पाँच भित्र पर्न सफल हुँदै अमेरिकन आइडलको फाइनलमा पुगेका हुन् । अमेरिकन आइडलको फाइनलमा पुग्ने उनी पहिलो नेपाली हुन् । उत्कृ्ष्ट ७ बाट भोटिङका आधारमा दिवेश फाइनलमा पुगेका हुन् । त्यसघि ११ जनाबाट छानिदै ७ जना भित्र परेका थिए ।

कोरोनाको महामारीका कारण अमेरिकन आइडल भर्चुअल प्रस्तुति गर्दै आएको छ । दिवेशले केही समय अगाडि नेपाली भाषामा बोल्दै भोट अपिल गरेका थिए । उनी काठमाडौं रविभवनका हुन् । अमेरिकन आइडलको जारी १८ औं संस्करणमा लुक ब्रायन, केटी पेरी र लिओनेल रिची निर्णायक छन् ।

२० वर्षीय दिवेश ६ वर्षदेखि अमेरिकामा बस्दै आएका छन् । यु–ट्युब च्यानल आर्थर गनमा उनको कला हेर्न सकिन्छ ।