दीपावलीमा बालिएको दियोबाट आगालागी हुदा १ को मृत्यु

काठमाडौं, कात्तिक ३० – पर्सामा दीपावलीको दिन बालिएको दियोबाट बहुदरमाई नगरपालिका वडा नम्बर ८ रामनगरीमा आगालागी भएको छ। रामनगरीका मनबोध साहको घरमा आगलागी हुदाँ उनकी १५ वर्षीया छोरी मनाकुमारी साहको मृत्यु भएको पर्सा प्रहरीले जनाएको छ।

शनिवार राति १० बजेको समयमा दीपावलीको लागि बालिएको दियोबाट आगो सल्केर फुसको घरमा आगलागी भएको बताइएको छ। उक्त घरमा मनबोधकी एक्ली छोरी सुतिरहेको अवस्थामा आगलागी भएकोले घरमै जलेर उनको मृत्यु भएको प्रहरीले जनाएको छ।

परिवारका अन्य सदस्य फुसको घर नजिकै खपडाको अर्के घरमा सुतिरहेकोले बाँचेको प्रहरीको अनुसन्धानबाट खुलेको छ। आगलागीमा परी घर, लत्ताकपडा, अन्न, गरहना, नगद गरी कुल ५ लाख बराबरको क्षति भएको पर्सा प्रहरीका प्रवक्ता डीएसपी मनोजित कुँवरले जानकारी दिए।