नयाँ नोट सटहीका कारण राष्ट्र बैंकलाई दोहोरो समस्या

नेपाल राष्ट्र बैङ्कले यस वर्षको दशैंमा करीब १३ अर्ब रूपैयाँको नयाँ नोट सटही गर्ने लक्ष्य लिएकोमा सोमबार सम्ममा ११ अर्ब ७८ करोड रूपैयाँ नयाँ नोट सटही भइसकेको छ । बैङ्क तथा वित्तीय संस्था र विभागबाट गत असोज २१ गतेदेखि २९ गतेसम्म सर्वसाधारण नागरिकलाई ५, १०, २०, ५० र १०० दरका नयाँ नोटहरू वितरण गरेको थियो । गत बर्षको दशैँमा भने १२ अर्ब ५० करोड रुपैयाँको नयाँ नोट सटही भएको राष्ट्र बैङ्क तथ्याङंक छ ।

गत बर्षको तुलनमा यस बर्ष कम नोट सटही भए पनि अगाडीका केही बर्षको तुलनमा भने ज्यादा हो । चाडबाडको समयमा नयाँनोट सटही गर्ने परमपराले भने राष्ट्र वैङ्कलाई समस्या हुने गरेको छ । बजारमा नयाँ नोट जादा पुराना नोटको भण्डारण गर्नु पर्ने हुदा दोहोरो समस्या  पर्ने गरेको हो ।