नवनिर्वाचित सभामुख अग्नि सापकोटाले लिए सपथ

काठमाडौं, माघ १३- सभामुखमा निर्वाचित भएका अग्नि सापकोटाले आज राष्ट्रपति समक्ष पद तथा गोपनियताको सपथ लिएका छन् । राष्ट्रपति भवन शीतलनिवासमा राष्ट्रपति विद्यादेवी भण्डारीले सापकोटालाई सपथ खुवाएकी राष्ट्रपति कार्यालयले जनाएको छ ।

समारोहमा प्रधानमन्त्री केपी शर्मा ओली, प्रधानन्यायाधीश चोलेन्द्र शमसेर राणा, उपराष्ट्रपति नन्द बहादुर पुन, राष्ट्रियसभा अध्यक्ष गणेशप्रसाद तिमिल्सिना, मन्त्रीहरू, नेकपा नेताहरू उपस्थित छन् ।

प्रतिनिधिसभाको हिजोको बैठकले सापकोटालाई सर्वसम्मतरुपले सभामुख चयन गरेको थियो । सिन्धुपाल्चोक जिल्ला क्षेत्र नं १ बाट निर्वाचित सापकोटा दुई पटक मन्त्री भैसकेका छन् ।