नवलपरासीमा सशस्त्र प्रहरीद्वारा अबैध कुखुरा नष्ट

नष्ट सहबान अन्सारी-

नवलपरासी, ४ असार  नवलपरासीमा २४ हजार मुल्य बराबरको अबैध कुखुरा नष्ट गरिएको छ । शुक्रवार सुस्ता गाउपालिका वडा नं. ५ बनकट्टी नाकामा भारतबाट अबैध रुपमा नेपालतर्फ ल्याउदै गरेकाे १ क्विन्टल जिउँदो बोइलर कुखरा सशस्त्र प्रहरी बल नेपाल बर्डर आउट पोष्ट बलिनगरका सशस्त्र प्रहरी नायब निरिक्षक सुरेन्द्र मल्लको नेतृत्वमा गएको गस्ती टोलीले नियन्त्रणमा लिएको हो।

उक्त कुखुरा मानिसहरुले  साइकलमा ल्याउदै गर्दा सशस्त्र प्रहरीको टोलीले देखेपछि कुखुरा फाली भागेका सशस्त्र प्रहरी निरिक्षक जोगीन्द्र केसीले बताए। नियन्त्रणमा लिएकाे कुखुरा स्थानीय ,पशुक्वाईरानटाईन , पत्रकार लगायतहरुकाे राेहबरमा नष्ट गरिएकाे नेपाल बर्डर आउट पोष्टले जनाएको छ ।