नाडाको अध्यक्षमा कृष्णप्रसाद दुलाल सर्वसम्मत

काठमाडौं, मंसिर २९- अटो मोबाइल्स एसोसिएसन अफ नेपाल (नाडा) का वरिष्ठ उपाध्यक्ष कृष्णप्रसाद दुलाल सर्वसम्मत रुपमा अध्यक्षमा चयन भएका छन् । दुलाललाई सहमतिमा अध्यक्षमा चयन गरिएको हो ।

नाडाले मंसिर १८ गते निर्वाचन तालिका सार्वजनिक गरेको थियो भने पुष ४ गते चुनावको मितीतय गरेको थियो । नाडाले आगामी नेतृत्व चयनका लागि आज (मंसिर २९) ११ बजेसम्म मनोनयन दर्ताको समय तोकेको थियो । अध्यक्ष पदको लागि दुलाल विरुद्ध उम्मेदवारी दर्ता नभएसँगै उनी आगामी कार्यकालका लागि अध्यक्षमा सर्वसम्मत चुनिएका हुन् ।

अध्यक्षका प्रत्यासी उम्मेदवारका रुपमा चर्चामा रहेका नाडाका वर्तमान उपाध्यक्ष प्रकाश कपुरीले मनोनयन दर्ता नगरेपछि दुलाल निर्विरोध चयन भएका हुन् ।

लामो समय देखि अटोमोवाईल ब्यवसाय मार्फत लुब्रीकेन्ट उद्योग संञ्चालन गर्दै आएका ब्यवसायी कृष्ण दुलाल नाडाको अध्यक्षक पदका लागि प्रवल दावेदार मानिएका थिए । अध्यक्षमा निर्विरोध चुनिएपछि दुलालले प्रतिक्रिया दिँदै समग्र अटोमोबाइल क्षेत्रको व्यवस्थापन र व्यावसायीक हकहितको लागि काम गर्ने बताए ।