नाडा अटो शो को अन्तिम दिन सम्म ६५ हजारद्वारा अवलोकन

काठमाडौंको भृकुटीमण्डपमा भएको चारपांग्रे र २ पांग्रे नाडा अटो शो २०१८ सकिएको छ । नाडा अटोमोवाईल डिलर एसोसियशन (नाडा) ले मंगलबारदेखि भृकुटीमण्डपमा संचालन गरेको उक्त मेला आज समापन भएको हो ।

६ दिनसम्म चलेको उक्त मेलामा ६५ हजार अवलोकनकर्ताहरुले अवलोकन गरेको मेलाका अध्यक्ष शम्भु प्रसाद दाहालले जानकारी दिए ।

अन्य दिनको तुलनामा शनिवार अवलोकनकर्ताहरुको भीड बढी रहेको पनि उनले बताए ।

उक्त मेलामा अवलोकनकर्ताहरुको आकर्षण भने ईलेक्ट्रिकल गाडीमा बढी देखिएको मेलाका संयोजक निराकार श्रेष्ठले जानकारी दिए ।

मेलामा १ लाख २८ हजारदेखि ४५ लाख ८५ हजार सम्मका बाईक तथा स्कुटर प्रदर्शनिमा राखिएको थियो ।

मेलाको सबैको आकर्षणमा पर्ने सबैभन्दा महँगो बाईक हार्लि डेभिड्सनमा अवलोकनकर्ताहरुको घुईँचो लाग्ने गरेको थियो ।