नेचर सुपर मार्केटको पहिलो शाखा काठमाडौंको नरेफाँटमा, १५ प्रतिशतसम्म छुट दिने

काठमाडाैं, फागुन २८ – नेचर सुपर मार्केट प्रा.लि.को पहिलो शाखा काठमाडौंको नरेफाँटमा खुलेको छ । उक्त शाखाको शुभारम्भ शुक्रबार एक कार्यक्रमबीच हास्यकलाकार दिपा निरौला र जितु नेपालले गरेका हुन् ।

गत कात्तिकदेखि काठमाडौंको मैतीदेवीचोकबाट सञ्चालमा आएको नेचर सुपर मार्केटले सेवा विस्तार गर्ने क्रममा नरेफाँटमा शाखा सञ्चालनमा ल्याएको हो । व्यावसायिक क्षेत्रमा ३ दशक लामो अनुभव संगालेका व्यवसायीहरुको नेतृत्वमा नेचर सुपरमार्केट सञ्चालनमा आएको हो ।

‘उपभोक्ताको सन्तुष्टि, हाम्रो दायित्व’ नाराका साथ सञ्चालनमा आएको सुपर मार्केटले बजारको माग र आम उपभोक्ताको आवश्यकता अनुसार गुणस्तरीय खाद्यान्न तथा ग्रोसरी सामानहरु ग्राहकमाझ उपलब्ध गराउने नेचर सुपरका अध्यक्ष जनक धामीले जानकारी दिए ।

‘नरेफाँट आसपासका उपभोक्तालाई सहज रुपमा खाद्यान्न तथा ग्रोसरी सामान उपलब्ध गराउन शाखाले सहयोग पुर्याउनेछ,’ उनले भने ।

नेचर सुपरले काठमाडौं उपत्यकाको जुनसुकै ठाउँमा निःशुल्क होम डेलिभरी सेवा उपलब्ध गराइरहेको छ । शाखा शुभारम्भको अवसरमा नेचर सुपरले ३ देखि १५ प्रतिशतसम्म छुट प्रदान गर्ने सञ्चालक समिति सदस्य तारामान धामीले जानकारी दिए । छुट अवधि १ महिनासम्म जारी रहनेछ ।