नेपाल उद्योग बाणिज्य महासंघका उपाध्यक्ष संघईलाई मातृशोक

काठमाडौं, ५ फागुन – नेपाल उद्योग बाणिज्य महासंघका उपाध्यक्ष रामचन्द्र संघईलाई मातृशोक परेको छ । संघाईकी आमा त्रिवेणीदेवीको मंगलबार अपरान्ह ३ बजे आफ्नै निवास कमलपोखरीमा निधन भएको उनको पारिवारिक स्रोतले जानकारी दिएको छ । 

रामचन्द्र संघई त्रिवेणी ग्रुपका अध्यक्ष हुन् । उनकी आमा केही दिनदेखि बिरामी थिइन् । बिरामी भएका कारण रामचन्द्र संघई आफैले उपचारका लागि केही दिनअघि भारतमा समेत लिएर गएका थिए । तर, स्वास्थ्यमा सुधार नआएपछि उनलाई अक्सिजन दिएर राखिएको थियो । 

स्वर्गीय त्रिवेणीदेवीको बुधबार पशुपति आर्यघाटमा दाहसंस्कार गरिएको छ । रामचन्द्र संघईकी आमाको निधनप्रति उद्योगी व्यवसायीहरुले समवेदन प्रकट गर्दै मृतक आत्माको चिरशान्तिको कामना गरेका छन् ।