नेपाल बङ्गलादेश बैंकको २५ औं वार्षिक साधारणसभा सम्पन्न

काठमाडौं, पुस ७ – नेपाल बङ्गलादेश बैंक लिमिटेडको २५ औं बार्षिक साधारणसभा आज सम्पन्न भएको छ ।

उक्त साधारण सभाले गत आर्थिक वर्ष २०७५/७६सम्मको संचित मुनाफाबाट शेयरधनीहरुलाई ५ प्रतिशत बोनश शेयर र ७ प्रतिशत नगद लाभांश (लाभांशमा लाग्ने कर सहित)दिने प्रस्ताव स्वीकृत गरेको छ ।

बैंक सञ्चालक समितिका अध्यक्ष जलाल अहमदको सभापतित्वमा सम्पन्न भएको उक्त सभाले बैंकको उद्देश्य संग सम्बन्धित प्रबन्धपत्रमा रहेका दफाहरुको संशोधन पनि स्वीकृत गरेको छ ।

समिक्षा अवधिमा बैंकको कुल निक्षेप २४.५५ प्रतिशतले बृद्धि भई रु.५९.७६ अर्ब पुगेको छ भने कुल कर्जा २९.१६ प्रतिशतले बृद्धि भई रु ५५.७२ अर्ब पुगेको छ । बैंकको वासलातको आकार २४.२४ प्रतिशतले बृद्धि भई रु. ७६.२५ अर्ब पुगेको छ ।