नेपाल र बंगलादेशबीचको दोस्रो मैत्रीपूर्ण खेल बराबरी, सिरिज बंगलादेशले जित्यो

काठमाडौं, २ मंसिर – ढाकास्थित बंगबन्धु रंगशालामा मंगलबार जारी दोस्रो अन्तराष्ट्रिय मैत्रीपूर्ण खेलमा नेपालले बांग्लादेशसँग गोलरहित बराबरी खेलेको छ। निकै आक्रामक खेल खेले पनि नेपालले बांग्लादेशविरुद्ध गोल गर्न सकेन्।

‘मुजिब वर्ष फिफा अन्तराष्ट्रिय फुटबल सिरिज’ अन्तर्गत पहिलो मैत्रीपूर्ण खेलमा भने बांग्लादेशले नेपाललाई २-० गोलले हराएको थियो। फिफा विश्वकप छनोटको दोस्रो चरण खेलिरहेको नेपालले तयारीका लागि बांग्लादेशसँग दुई वटा मैत्रीपूर्ण खेल खेलेको हो।

नेपालका तर्फबाट खेलको इन्जुरी समयमा नवयुग श्रेष्ठले गरेको हेड प्रहार पोस्टमा लागेर फर्किएको थियो।  बांग्लादेशविरुद्ध आज नेपालका छिरिङ गुरुङ, पुजन उपरकोटी र सेसेहाङ आङ्देम्बेले डेब्यु गरेका छन्। 

रक्षात्मक खेलेको बांग्लादेशले पनि नेपालविरुद्ध उत्कृष्ट आक्रमण गर्न सकेन।
थप सामग्री : https://www.himalkhabar.com/news/120548