नौविसे–नागढुंगा सुरुङमार्ग निर्माणका लागि साउनभित्रै टेण्डर आव्हान

काठमाडौं–

सरकारले नौविसे–नागढुंगा सुरुङमार्ग निर्माणका लागि साउनभित्रै टेण्डर आव्हान गर्ने भएको छ।

आगामी चार बर्षमा निर्माण सम्पन्न गर्ने लक्ष्य अनुसार सुरुङमार्गको टेण्डर गर्न लागिएको हो ।

विभागका अनुसार ढिलोमा साउनको अन्तिम सातासम्म टेण्डर खोलिने छ।

जाइकाले डिपिआर अध्ययन सकिसकेको छ,त्यहाँबाट ‘नो अब्जेक्सन लेटर’ पाएपछि टेण्डरमा जाने विभागको भनाई छ ।

सुरुङमार्ग थानकोट नजिकैको बस्नेतछापदेखि सिस्नेखोला २.७ किलोमिटरको हुनेछ। थानकोटदेखि सुरुङमार्गको पूर्वपट्टि बस्नेछापसम्म २६ किमी शडकमार्ग बन्ने छ । ।

सुरुङमार्गले नागढुंगाबाट घुमेर जाने बाटोमा लाग्ने ८ किलोमिटर बाटो छोट्याउने छ जसले इन्धन र यात्रुको समयको बचत गर्ने छ।

महाशाखाले सुरुङमार्ग निर्माणका लागि आवश्यक पर्ने जग्गा अधिग्रहणको प्रक्रिया समेत अघि बढाएको छ।