पछिल्लो १८ घण्टामा कोरोना संक्रमणबाट मोरङमा १० जनाको मृत्यु

काठमाडौं, २५ कार्तिक – मोरङमा पछिल्लो १८ घण्टाका अवधिमा कोरोना सङ्क्रमणबाट १० जनाको मृत्यु भएको छ । विराटनगरका विभिन्न अस्पतालमा आठ र दुई जनाको होम आइसोलेसनमा मृत्यु भएको छ ।

मृत्यु हुनेमा आठ पुरुष र दुई महिला रहेका छन् ।

विराटनगरको नोबेल शिक्षण अस्पतालमा मंगलबार पाँचजना कोरोना सङ्क्रमणबाट मृत्यु भएको छ भने कोशी अस्पताल कोभिड–१९ उपचार केन्द्र विराटनगरमा दुई, न्यूरो कोभिड अस्पतालमा एक र होम आइसोलेसनमा दुईजनाको मृत्यु भएको हो ।