पर्सामा भेटिएका ३९ जना संक्रमित एकैठाउँका

काठमाडौं, बैशाख ३० – प्रदेश नम्बर २ को पर्सामा एकैदिन ३९ जना नयाँ संक्रमित थपिएका छन् । पर्सामा आज देखिएका ३९ जना कोरोना संक्रमितहरु बिरगंज महानगरपालिका छपकैयका रहेको खुलेको छ ।

• 

यस अघि छपकैयाका एकै परिवारका १७ जनामा कोरोना देखिएपछि त्यस क्षेत्रबाट ६ सय जनाको नमुना संकलन गरिएको थियो । काठमाडौँमा गरिएको परिक्षणमा ३९ जनामा कोरोना पुष्टि भएको हो । सबै परिक्षण नसकिएकोले संक्रमितिको संख्या अझै बढ्न सक्ने बताइएको छ ।

प्रदेश नम्बर २ को बारा, रौतहट र धनुषा र सप्तरीमा पनि कोरोना संक्रमित फेला परेका छन् ।